Ibrani 3

Sang Hyang Yesus sane Lebih Agungan

3:1—4:13

Sang Hyang Yesus Lebih Kaajiang Bandingang kapining Dane Musa

Mangda aluh ngertiang daging cakepane, penyalin ngimbuhin catetan puniki: Dane Musa nenten tios sinoman Sang Hyang Tunggal sane maurip sue pisan sadereng jaman Sang Hyang Yesuse. Dane kapilih mangda mebasang Bangsa Yahudi sane kajajah ring Negeri Mesir. Sasampune medal saking Mesir, Sang Hyang Tunggal micayang ukum-ukum penuntun urip ring dane Musa sane kasambat ‘Ukum Agama Yahudi’. Ukume punika madaging penuntun mangda Bangsa Yahudine punika nyembah Sang Hyang Tunggal kamanten.

1 Punika mawinan, duh para semeton suci sane sampun kapanggil olih Ida ring swarga, ragane musti seken-seken minehang indik Sang Hyang Yesus puniki! Iraga pracaya yening Ida sane dados utusan lan . 2 Sang Hyang Yesus satya ninutin prentah-prentah Sang Hyang Pengardine sane milih Ida dados Rsi Penglingsir Agung. Kenten pada, idumun dane satya ngamargiang tugas miara purin Sang Hyang Pengardine; artine miara para kraman Idane. 3 Umpamine sekadi anake sane ngwangun puri, pastika ipun lebih kaajiang bandingang kapining purine punika. Sekadi punika Sang Hyang Yesus sapatutne lebih kaajiang bandingang kapining dane Musa. 4 Sebilang puri pastika wenten sane ngwangun. Nanging sane ngwangun saluirin sane wenten. 5 Dane Musa satya dados pengayah buat para kraman Sang Hyang Pengardine; dane pada ngortiang paindikan sane salanturnyane jagi kanikayang olih Sang Hyang Pengardi ring jaman sasampun danene. 6 Nanging Sang Hyang satya dados Putra mangda mimpin para kraman Sang Hyang Pengardine. Iraga wantah kramane punika yening iraga pageh pracaya lan setata nyantosang Sang Hyang Kristus antuk manah sane masukarena.

Waspada Mangda Pageh Pracaya

Mangda aluh ngertiang daging cakepane, penyalin ngimbuhin catetan puniki: idumun, sadereng surat Ibranine puniki katulis, dane Musa dados pemimpin Bangsa Yahudi ritatkala ipun kabebasang saking penjajahan ring Negeri Mesir. Duk punika Sang Hyang Pengardi akeh makarya paindikan sane ngangobin malantaran dane Musa mangdane ipun sami kabebasang. Sasampune kenten, dane Musa nuntun bangsa Yahudine matilar saking Negeri Mesir, nuju genah sane kajanjiang olih Sang Hyang Pengardi mangda dados druen ipune sami. Nanging ritatkala luas nuju genahe punika, Bangsa Yahudine setata malaksana dosa ring ajeng Sang Hyang Pengardi krana ipun nenten pracaya kapining Ida. Punika mawinan ipun sami nenten kicen ngranjing ring genah sane kajanjiang punika. Raris ipun sami kaukum dados luntang-lantung ring genah sane bengang linggah kantos petang dasa (40) tiban suene.

7 Paindikane punika wantah dasar sabdan ring sekadi puniki,

“Padingehang ja sabdan dinane jani,

8 Eda ja bengkung buka para leluhur nglawan

tatkala ia makejang nguji Nira di tongos ane bengang linggah.

9 Ditu ia makejang nguji Nira lan manes-manesin Nira,

Yadiapin petang dasa (40) tiban mekelone ia suba nyaksiang paundukan ngangobin ane laksanayang Nira buat ia makejang.

10 Ento mawinan Nira duka tekening ia tur masabda:

‘Keneh iane setata tusing satya,

lan ia tusing nuutin prentah-prentah Nirane.’

11 Ento mawinan Nira duka kanti masumpah buka kene:

‘Ia makejang tusing bakal neked sid tongos mareren ane sadyayang Nira.’” Kidung 95:7-11.

12 Waspada ja, duh para semeton sami, mangda nenten wenten saking ragane sane madue manah jaat lan nenten pracaya. Samaliha mangda nenten wenten sane mabalik buat ngadohang raga saking Sang Hyang Pengardi sane urip. 13 Nanging ngiring ja, sebilang dina iraga saling tuturin saenune iraga madue galah buat masalin saking urip sane madosa. Sampunang ja wenten sane ngancan bengkung krana kabelog-belogin olih . 14 Iraga puniki polih duman makarya sareng Sang Hyang Kristus, yening iraga pageh pracaya kantos pamuput antuk kapracayaan sekadi dugas wawu pracaya. 15 Ingetang ja sabda sane wawu sapuniki,

“Padingehang ja sabdan Nirane dinane jani,

eda ja bengkung buka para leluhur kitane nglawan Nira.” Kidung 95:7,8

16 Sirake sane mirengin sabdan Sang Hyang Pengardine nanging nungkasin Ida? Boyake saluirin anak Yahudi sane katuntun medal olih dane Musa saking Negeri Mesir sasampune kajajah irika? 17 Lan kapining sirake Sang Hyang Pengardi duka kantos petang dasa (40) tiban suene? Boyake kapining anak Yahudi sane madosa kantos padem ring genah sane bengang linggah? 18 Kapining sirake Sang Hyang Pengardi masumpah yening ipun nenten jagi ngranjing ring genah mararian sane sampun kasadyayang? Boyake kapining ipun sane nenten satinut kapining Ida? 19 Sane mangkin iraga uning ipun sami nenten sida ngranjing ring genah mararian punika krana nenten pracaya.

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”